විභාග අයදුම්කරුවන් සඳහා නීති සහ උපදෙස්
දඬුවම්
විභාගායප්ක්ෂකයෙකුට විභාග කොමසාරිස්යේගේ අභිමතය පරිදි පහත සඳහන් දඬුවම් එකක් හෝ ඊට වැඩි ගණනක් හෝ පමුණුවනු ලැබිය හැකිය:
- (i) මුළු විභාගයටම හෝ ඉන් කොටසකට හෝ නැතහෝත් එක් විෂයයකට හෝ ඉන් කොටසකට හෝ පෙනී සිටීම හෝ තහනම් කිරීම
- (ii) විභාගයේ එක් විෂයයකට හෝ මුළු විභාගයටම හෝ නුසුදුස්සෙකු කිරීම
- (iii) එක් අවුරුද්දකට හෝ අවුරුදු දෙකකට හෝ කිසිම විභාගයකට පෙනී සිටීම තහනම් කිරීම
- (iv) මුළු ජීවිත කාලයේ ම විභාගයකට පෙනී සිටීම තහනම් කිරීම
- (v) සහතික පත්රය යම්කිසි කාල සීමාවක් තුළ තහනම් කිරීම
- (vi) විභාගායප්ක්ෂකයාගේ ක්රියා පරිපාටිය සම්බන්ධයෙන් ඔහු ගැන වගකිවයුත්තන්ට සැලකර සිටීම හෝ විභාගායප්ක්ෂකයා පොලීසියට භාරදීම හෝ ඔහුගේ ක්රියාව සම්බන්ධයෙන් පොලීසියට පැමිණිලි කිරීම
නීති සහ උපදෙස්
විභාගයට කලින් හෝ විභාගය පවත්වාගෙන යන අතරතුර හෝ විභාගයට පසුව හෝ කොයිම අවස්ථාවකදී වුවත් එවැනි විභාගාපේක්ෂකයෙකු සම්බන්ධයෙන් ක්රියා කිරීමේ බලය විභාග කොමසාරිස් සතු වේ. ඒ සම්බන්ධයෙන් ඔහුගේ තීරණය අවසාන තීරණය වන්නේ ය. එහෙත් රජයේ සේවකයන් බඳවා ගැනීම සඳහා පවත්වනු ලබන විභාග පිළිබඳ ව විභාග කොමසාරිස්ගේ තීරණය රාජ්ය සේවා කොමිෂන් සභාවේ සමීක්ෂණයට යටත් වන්නේය.
1.
සියලු ම විභාගායප්ක්ෂකයන් විභාග ශාලාව තුළදීත් ඒ අසලදීත් විභාග ශාලාධිපතීන්ට ද, ඔහුගේ සහකාරයින්ට ද, අනිකුත් විභාගායප්ක්ෂකයින්ට ද බාධාවක් හෝ අවහිරයක් හෝ ඇති නොවන ලෙස ශාන්තදාන්තව හැසිරිය යුතුය. විභාග ශාලාවට ඇතුළු වන විටත්, ඉන් පිටවන විටත් ඉතා සන්සුන් ලීලාවෙන් හැසිරිය යුතුය.
2.
විභාගායප්ක්ෂකයෝ විභාග ශාලාධිපතීන්ට කීකරු විය යුත්තාහ. එබැවින් ඔවුන් විභාගය පවත්වාගෙන යන අතරතුරත්, විභාගය පටන් ගැනීමට පෙරත්, විභාගය අවසන් වූ විගසත් විභාග ශාලාධිපතීන්ගේ හා ඔහුගේ සහකාරයන්ගේ උපදෙස් අනුව ක්රියා කළ යුතු ය.
3.
විභාගයේ දී ප්රශ්න පත්රයකට උත්තර ලිවීම පටන්ගෙන පැය භාගයක් ගතවූවාට පසු යමනම කාරණයක් නිසාවත් විභාගායප්ක්ෂකයෙකු විභාග ශාලාවට ඇතුළු කරගනු නොලැබේ. විභාගය පටන් ගෙන පැය භාගයක් ගතවන තුරු ප්රශ්නපත්රයට පෙනී සිටින අයදුම්කරුවෙකුට විභාග ශාලාවෙන් පිටවී යාම තහනම්ය. ප්රායෝගික පරීක්ෂණවලට හෝ වාචික පරීක්ෂණවලට පමා වී පැමිණෙන අයදුම්කරුවන් විභාග ශාලාවට ඇතුළු නොකිරීමට ඉඩ තිබේ.
4.
සෑම විභාගායප්ක්ෂකයෙකුම තමාගේ විභාග අංකය දරන ආසනයේ හැර වෙන කිසිම තැනක වාඩි නොවිය යුතුය. විභාග ශාලාධිපතිගේ විශේෂ අවසරය නොමැතිව තමන්ගේ ස්ථානය වෙනස් නොකළ යුතුයි. තමන්ට නියම නොකරන ලද අසුනක් ගැනීම වංචනික අදහසින් කරන ලද ක්රියාවක් වශයෙන් සලකනු ලැබීමට සිදුවේ.
5.
විභාග ශාලාව තුළ සම්පූර්ණයෙන් ම නිශ්ශබ්ද ව සිටිය යුතු ය. යමොනම කාරණයක් නිසාවත් විභාග ශාලාව ඇතුළත දී විභාග ශාලාවේ කාර්ය මණ්ඩලයේ කෙනෙකු සමග හැර, විභාග ශාලාව ඇතුළත හෝ පිටත හෝ සිටින කිසිවකු සමග යමොනයම් කරුණක් නිසාවත් කතාබස් කිරීම හෝ පණිවුඩ හුවමාරු කර ගැනීම හෝ වෙනත් අන්දමේ ගනුදෙනු කිරීම හෝ සම්පූර්ණයෙන්ම තහනම්ය. යම් කිසි හදිසි වුවමනාවක් සඳහා කිසියෙකු සමග කතාබස් කිරීමක් අවශ්ය වුවහොත් ප්රථමයෙන් ඒ සඳහා විභාග ශාලාධිපතින්ගේ අවසරය ලබා ගත යුතු යි.
6.
විභාගායප්ක්ෂකයෙකුගේ උත්තර පත්රය හඳුනාගනු ලබන්නේ ඔහුගේ විභාග අංකයෙන් පමණක් හෙයින් උත්තර පත්රවල තමන්ගේ නම නොලිවිය යුතුයි. තමාගේ උත්තර පත්රයෙහි අන්ය විභාගායප්ක්ෂකයෙකුගේ විභාග අංකය ලිවීම වංචනික ක්රියාවක් කිරීමට ප්රයත්න දැරීමක් ලෙස සලකනු ලැබේ. හඳුනාගත නොහැකි පරිදි විභාග අංකය ලියා ඇති උත්තර පත්ර ප්රතික්ෂේප කිරීමට ද සිදුවෙනවා ඇත.
7.
තමන් වෙත සපයන ලද කඩදාසි හැර තීන්ත පොවන කඩදාසියෙහි හෝ ප්රශ්න පත්රයෙහි හෝ යම්සේ මත හෝ වෙනත් කිසි තැනක හෝ කිසිවක් නොලිවිය යුතුය. යම් නීතිය නොසැලකීම වංචනික චේතනාවකින් යුක්තව ක්රියා කිරීමක් ලෙස සැලකිය හැකි වේ.
8.
තමන් වෙත සපයන ලද කඩදාසියක් හෝ උත්තර ලියන පොතක් හෝ ඉරාදැමීම හෝ පොඩි කිරීම හෝ නමා දැමීම හෝ අකාමකා දැමීම හෝ නොකළ යුතුය. කටුවැඩ ආදිය සඳහා පාවිච්චි කරන ලද සෑම කඩදාසියක්ම උත්තර පත්රයට ඇමිණිය යුතු ය. ඒවා උත්තර පත්රයෙහිම කොටසක් විය යුතු ය. එබඳු කටුවැඩ පැහැදිලි ලෙස කපා හැරිය යුතුයි. විභාග ශාලාවේ දී ලියන ලද කිසිම දෙයක් ඉන් පිටත ගෙනයාම තහනම් ය. එකම ප්රශ්නයකට පිළිතුරු දෙතැනක ලියැවී තිබේ නම් අනවශ්ය පිළිතුරු පැහැදිලි ලෙස කපා හැරිය යුතුයි. යම් කරුණු පැහැර හැරීම වංචාවක් කිරීමට ප්රයත්න දැරීමක් සේ සැළකීමට ඉඩ තිබේ.
9.
ගණිත ප්රශ්නවල දී ගණන් වරදවා සාදා හෝ ගණනක් කොයහෙත්ම නොසාදා හෝ නිවැරදි පිළිතුරු දැක්වීමත් චිත්ර කර්මයේ දී තමන්ගේ චිත්රය තවත් අයදුම්කරුවෙකුගේ චිත්රයට ආකල්ප මාත්රයෙන් හෝ ස්වරූපයෙන් හෝ ක්රියාකාරිත්වයෙන් හෝ යනාදියකින් සමානව, එසේ නැතිනම් බොහෝසේ කිට්ටුවම තිබීමත්, වංචා සහගත ක්රියාවක් සේ සලකනු ලැබීමට හේතු විය හැකිය.
10.
විභාගයේ දී උත්තර ලිවීම සඳහා තමන්ට සපයනු ලබන කඩදාසි හෝ වෙනත් ද්රව්ය විභාග ශාලාවෙන් පිටතට ගෙනයාම තහනම්ය. යම් සියලුම දෑ විභාග කොමසාරිස් සතුය. යම් නීතිය කඩකිරීම වංචනික චේතනාවකින් යුත් ක්රියාවක් ලෙස සැලකීමට හේතු විය හැකිය.
11.
තමන් වෙත සපයන ලද ලිපිද්රව්ය හැර වෙනත් පොත්පත්, සටහන් පොත්, සාක්කුවේ පාවිච්චි කරන නෝට් පොත්, ඇක්සයිස් පොත් හා කඩදාසි කොළ හෝ කැබලි ද, තමන්ගේ පාට පෙට්ටි හා පාර්සල් ආදිය ද, පයිල් කවර, කාඩ්බෝඩ් පෑඩ්, නැවූ ප්රවෘත්ති පත්ර, බ්රවුන් පේපර් යනාදිය ද, විභාග ශාලාව තුළ සිටින කිසිවිටෙක තමා වෙත හෝ සමීපයෙහි හෝ තබා නොගත යුතුය. යම් නීතිය කඩ කිරීම දඬුවම් ලැබිය හැකි ක්රියාවකි.
12.
විභාග ශාලාව තුළ කිසිම අයදුම්කරුවෙකු අත කිසිම පොතපතක් හෝ සටහන් පොතක් හෝ සටහන් ලියන කඩදාසියක් හෝ තබා ගැනීම සම්පූර්ණයෙන්ම තහනම් ය. විභාගශාලාධිපතීන් නියම කළහොත් සෑම අයදුම්කරුවෙක්ම තමන් සන්තකව තබා ඇති දෑ යම් යම් යයි සහතික කිරීමට බැඳී සිටී. යම් අවශ්යතා කඩකිරීම වංචා සහගත ක්රියාවක් කිරීමට යත්න දැරීමක් ලෙස සලකනු ලැබේ.
13.
වෙනත් අයදුම්කරුවෙකුගේ උත්තර පත්රයකින් හෝ පොතපතකින් හෝ පත්රයකින් හෝ සටහන් සහිත කොළයකින් හෝ වෙන කිසිවකින් හෝ ගෙන, හොර උත්තර ලිවීම හෙවත් කොපි කිරීම, හොර උත්තර ලිවීමට යත්න දැරීමද තහනම් ය. තවත් අයදුම්කරුවෙකුගේ උත්තර පත්රයක් දෙස බැලීම ද නොකළ යුතුය. වෙන අයදුම්කරුවෙකුට උදේ දීමෙන් ද, වෙන අයදුම්කරුවෙකුගෙන් හෝ පුද්ගලයෙකුගෙන් හෝ උදේ ලබා ගැනීමෙන් ද සම්පූර්ණයෙන්ම වැළකිය යුතුය. උත්තර ලියා සම්පූර්ණ වූ සෑම කඩදාසියක්ම ලියමින් සිටින කඩදාසිය යට තබා ගත යුතුය. ලියන කඩදාසි මේසය මත විසුරුවා නොදැමිය යුතුය.
14.
ප්රශ්න පත්රයකට උත්තර ලියන අතරතුර යමොනම කරුණක් නිසාවත් ස්වල්ප වේලාවකටවත් විභාග ශාලාවෙන් පිටවී යාමට කිසිම අයදුම්කරුවෙකු ඉඩදෙනු නොලැබේ. එහෙත් යම්කිසි හදිසි කරුණක් නිසා විභාගායප්ක්ෂකයෙකුට ඉන් පිටත යන්නට උවමනා වුවහොත් විභාග ශාලාධිපතිගේ සහකාර නිලධාරියෙකුගේ සුපරීක්ෂාකාරීත්වය යටතේ විභාග ශාලාවෙන් ඔහුට ස්වල්ප වේලාවකට පිටතට යාමට අවසර දෙනු ලැබේ. එසේ පිටතට යාමට පෙරත් නැවත විභාග ශාලාවට ඇතුළු වන විටත් ඔහු සොේදිසියකට භාජනය විය යුතුය.
15.
විභාග ශාලාවේ දී පිළිතුරු ලියන විට විභාගය පටන් ගැනීමට පෙර හෝ නියම විභාග අයදුම්කරුවෙකු වෙනුවට ව්යාජ අයදුම්කරුවෙකු පෙනී සිටීම දඬුවම් ලැබිය යුතු ක්රියාවකි. අනන්යතා පත්ර වෙනස් කිරීම හෝ බොරු අනන්යතා පත්ර ඉදිරිපත් කිරීමත්, කෙනෙකුගේ අනන්යතා සහතිකය වෙනස් කිරීමත් එබඳු වරදවල් ය. විභාගායප්ක්ෂකයන් එවැනි වරදට අසු නොවිය යුතුය.
16.
විභාගඅයදුම්කරුවෙකු නොවන අයෙක් කිසිම අයදුම්කරුවෙකුට අසේධා අන්දමින් වංචා සහගත ලෙස උදේ දීම බරපතල වරදක් ලෙස සලකනු ලැබේ.
විභාග අයදුම්කරුවන් සඳහා නීති සහ උපදෙස් (අයදුම්කරුගේ පරිශ්රමය සඳහා)
(i)
විභාගය පටන් ගන්නා නියමිත වේලාවට සෑහෙන පමණ කලින් විභාග ශාලාවට පැමිණෙන්න. එක් එක් ප්රශ්න පත්රය පටන් ගැනීමට නියමිත වේලාවට යටත් පිරිසෙයින් විනාඩි 10කට හෝ 15කට කලින් විභාග ශාලාවට පැමිණ සිටීම සෑහේ. විභාග ශාලාව පිහිටා ඇති ස්ථානය හරිහැටි නොදත් විට විභාගය පටන් ගන්නා දිනයට කලින් ඒ ගැන සොයා බලා නියම ස්ථානය හරි හැටි දැන සිටිය යුතුය.
(ii)
යම්කිසි විෂයයකට ඇතුළත්වීම ගැන හෝ යම් විෂයයකට පෙනී සිටීමට ඇති සුදුසුකම් ගැන හෝ සැකයක් ඇති වූ විට එම ප්රශ්න පත්රයට පිළිතුරු සැපයීමට පටන් ගැනීමට පෙර විභාග ශාලාධිපතීන්ට ඒ බැව් සැලකර එම සැකය දුරු කර ගත යුතුයි. එලෙස ක්රියා නොකිරීම එම විෂයය හෝ විෂයයන් සම්බන්ධයෙන් තමන්ගේ විභාගායප්ක්ෂකත්වය අවලංගු වී යාමට හේතු විය හැකිය.
(iii)
විභාගයට පෙනී සිටීමේ දී අයදුම්කරුවන් සෑම විෂයයකටම පෙනී සිටින විට අනන්යතා පත්ර ඉදිරිපත් කළ යුතුය. අනන්යතාවය ඔප්පු කිරීම සඳහා අවශ්ය ලියවිලි විභාග ශාලාවේ දී ඉදිරිපත් නොකළහොත් ඔහුගේ විභාගායප්ක්ෂකත්වය අවලංගු කිරීමට ඉඩ තිබේ. යම් හේතුකින් ඒ සඳහා අවශ්ය ලියවිලි විභාගශාලාවට ගෙන ඒමට අමතක වුවහොත් ඒ බැව් විභාගශාලාධිපතීන්හට දන්වා විභාගය අවසන් වීමට පෙර එය ඉදිරිපත් කිරීමට මං සළසා ගත යුතුය.
(iv)
විභාගය සඳහා සාමාන්යයෙන් සම්මත වර්ගයකට අයත් ලිපිද්රව්ය (එනම් ලියන කඩදාසි, තීන්ත පොවන කඩදාසි, ලෙජර් කඩදාසි, සාරාංශ ලියන කඩදාසි) ආදිය සපයනු ලැබේ. සාමාන්යයෙන් කාටත් බෙදා දෙන වර්ගයකට වෙනස් වූ හෝ අමුතු මෝස්තරෙකට ලිපි ද්රව්ය ඔබට ලැබුණහොත් ඒ බව නොපමාව විභාගශාලාධිපතිට දැන්විය යුතුයි. විභාග ශාලාවේ දී ඔබට දෙනු ලබන කඩදාසි හැර වෙන යමොනම කඩදාසියක්වත් ප්රශ්නවලට උත්තර ලිවීම සඳහා පාවිච්චි නොකළ යුතුයි. ඉතිරි වන කඩදාසි සහ වෙනත් ද්රව්ය අපිරිසිදු නොකර නැවත ප්රයෝජනයට ගත හැකි වන සේ ඔබගේ ලියන මේසය මත තබන්න. ඔබට ලඝුගණක චක්ර සපයන ලද්දේ නම් ඒවා පරිස්සමින් පාවිච්චි කොට ඔබේ ලියන මේසය මත තිබෙන්නට හැරිය යුතුය.
(v)
විභාගායප්ක්ෂකයන් තම තමන්ගේ පෑන්, පැන්සල්, තීන්ත කූඩු, මකන, රෙදි කෑලි, අඩිකෝදු, ජ්යාමිතික උපකරණ, පාට පැන්සල් පෙට්ටි, පාට හුණු පෙට්ටි යනාදිය රැගෙන ආ යුතුයි.
(vi)
තමන් පාවිච්චි කරන සෑම කඩදාසියකම පිළිතුරු ලිවීමට පටන් ගැනීමේ දී නොපමාව තමන්ගේ විභාග අංකය හා විභාගයේ නමත් පැහැදිලි ලෙස ලියන්න. කඩදාසියේ දෙපැත්තෙම පැහැදිලිව ද පිරිසිදුව ද උත්තර ලියන්න. ප්රශ්නයක කොටසකට උත්තර ලිවීමෙන් පසු අනික් කොටස පටන් ගැනීමට පෙර එක රූලක්වත් හිස්ව තිබිය යුතුයි. සම්පූර්ණ ප්රශ්නයකට උත්තර ලිවීමෙන් පසු රූලක් හෝ රූල් කීපයක් හෝ හිස්ව තබන්න. ලියන සෑම දෙයක්ම එක ගොඩේ තෝරා වේරා ගන්නට නොහැකි ලෙස නොලිවිය යුතුයි.
(vii)
උත්තර ලියන කඩදාසියෙහි වම් පැත්තේ තීරය වෙන්කර ඇත්තේ ප්රශ්නවල අංක ලිවීම සඳහා ය. දකුණු පැත්තේ තීරය වෙන්කර ඇත්තේ පරීක්ෂකවරුන්ගේ ප්රයෝජනය සඳහා බැවින් එහි කිසිවක් නොලිවිය යුතුය. තමන් විසින් උත්තර ලියන ලද ප්රශ්නවල අංක වරදවා යෙදීම ව්යාකූලත්වයට හේතුවන බැවින් ප්රශ්න අංක ඉතා පරිස්සමින් නිවැරදි ලෙස යෙදිය යුතුය.
(viii)
අනිවාර්ය ප්රශ්න ද, තෝරා ගත යුතු අන් ප්රශ්න ද සම්බන්ධව ප්රශ්න පත්රයේ මුලින්ම සඳහන් කොට ඇති උපදෙස් ඉතා පරිස්සමින් කියවා බැලිය යුතුයි. මෙය නොසලකා හැරීමෙන් බොහෝ විට පාඩු සිදුවිය හැකිය.
(ix)
ගණිත ප්රශ්නවලට උත්තර සපයන විට ගැන බැලීම සහ කටුවැඩ ඒ ඒ ගණන් සෑදීමේ කොටසක් වශයෙන් අනුක්රමයෙන් විස්තර ලෙස දැක්විය යුතුය. අවශ්ය තැන්වල අඳිනු ලබන රූප සටහන් හා චිත්ර ආදිය නිවැරදිව ද සෑහෙන පමණ විශාලව ද තිබිය යුතුය. පිටු කීපයකට යන දිග පිළිතුරුවල දී එක පිටුවක අඳින ලද රූප සටහන් සම්බන්ධයෙන් ඊළඟ පිටුවලදීත් සිත් යොමුකර විය යුතු අවස්ථාවල දී ඒ රූප සටහන් නැවතත් ඇඳ පෙන්වීම යෝග්ය වේ.
(x)
එක් එක් ප්රශ්න පත්රයට පිළිතුරු සපයා අවසන් වූ විට උත්තර ලියන ලද කඩදාසි සියල්ලම ප්රශ්නවලට උත්තර ලියූ පිළිවෙල අනුව එකතුකොට වම් පැත්තේ ඉහළ කෙළවරේ තමන්ට සපයන ලද නූල් කැබැල්ලෙන් නොගැලවී යන පරිදි එකට තබා අමුණා ගැටගසන්න. දකුණු පැත්තේ උඩ කෙළවරවල් එකට තබා ගැට නොගසන්න.
(xi)
ඔබගේ උත්තර පත්රය විභාගශාලාධිපතීන්ට හෝ ඔවුන්ගේ සහකාර මහතකුට හෝ සියයෙන්ම භාරදිය යුතුය. නැතහෝත් ඒවා එකතු කරන තුරු ඔබේ අසුනෙන්ම වාඩි වී සිටිය යුතුය. එලෙස නොකිරීම ඇතැම් විට ඔබගේ උත්තර පත්රය නැති වී යාමට ද ඔබ යම් විෂයයකට ඉදිරිපත් නොවූවකු සේ සලකනු ලැබීමට ද හේතු විය හැකිය. යමොනම කරුණක් නිසාවත් ඔබගේ උත්තර පත්රය විභාග ශාලාවේ සේවය කරන පියූන් කෙනෙකුට හෝ වෙනයම් සේවකයෙකුට හෝ බාර නොදිය යුතුය.
(xii)
යම්කිසි කරුණක් නිසා විභාග ශාලාධිපතීන්ට හෝ ඔහුගේ සහකාර මහතෙකුට හෝ ක්ථා කිරීමට අවශ්ය වූ විට ද, කඩදාසි ආදිය අවශ්ය වූ විට ද තම ආසනයෙන් නොනැගිට අත පමණක් එසවිය යුතුය.
No comments:
Post a Comment